სკოლის სიახლეები

2018 წლის 11 დეკემბერს, 10:30 საათზე, კერძო სკოლა შპს განათლებას ეწვივნენ გაეროში აკრედიტირებული არასამთავრობო ორგანიზაციის ,,გლობალური განათლების მოტივატორები“, ხელმძღვანელი ვეინ ჯეიკობი, „მრავალეროვანი საქართველო დემოკრატიული ღირებულებების განმტკიცებისათვის“ დიპლომატები,არასამთავრობო ორგანიზაციის ხელმძღვანელი რიტა პროკოპენკო, „ახალგაზრდა დიპლომატების" ხელმძღვანელი უჩა აბრამიშვილი.ისინი შეხვდნენ სკოლის მოსწავლეებსა და მათ მშობლებს.ბატონმა ვეინ ჯეიკობმა ჩაატარა ლიდერობ

ის ტრენინგი და ისაუბრა არაფორმალური განათლების აუცილებლობაზე.ვიზიტის ფარგლებში დაიგეგმა ურთიერთთანამშრომლობის მემორანდუმის გაფორმება შპს განათლებასა და არასამთავრობო ორგანიზაციებს შორის,სკოლის მონაწილეთა ჩართულობა კონფერენციის სარეზოლუციო პროექტის მომზადებაში,ასევე კონსულტაციები მდგრადი განვითარების მიზნების განხორციელების საქმეში.

10 დეკემბერს ქ.თბილისში გაიმართა პროგრამა U18-ის ფარგლებში კონფერენცია,რომლის მუშაობაში მონაწილეობა მიიღო და საინტერესო პრეზენტაცია წარადგინა სკოლის სამოქალაქო განათლების პედაგოგმა მაკა ხინთიბიძემ. შპს განათლება პროგრამა U18-ში აქტიური მონაწილეობისა და მხარდაჭერისათვის დაჯილდოვდა მადლობის სიგელით.

ძალადობის წინააღმდეგ ბრძოლის კვირეულის ფარგლებში,შპს განათლებას მოსწავლეებმა მონაწილეობა მიიღეს საკრებულოს მიერ დაგეგმილ დისკუსიაში.29–ე საჯარო სკოლის მოსწავლეებთან ერთად მოამზადეს ძალადობის თემასთან დაკავშირებით პერფორმანსი,რომლის პრეზენტაცია შედგა საკრებულოს შენობაში.შპს განათლება მადლობას უხდის რეჟისორ ბესო რუსეიშვილს გაწეული დახმარებისთვის.

საქართველოს პროკურატურის ორგანიზებით,2018 წლის 10 დეკემბრიდან 17 დეკემბრის ჩათვლით ბულინგის წინააღმდეგ მიმართული კვირეული გაიმართება,რომლის ფარგლებში ჩატარდა კონკურსი „არა ბულინგს“.
კონკურსისთვის შპს განათლების მოსწავლეებმა წარადგინეს ნახატები.