1 მაისი, 2013 წელი

მოსწავლეების, პედაგოგებისა და მშობლების საყურადღებოდ!

   სააღდგომო არდადეგები დაიწყება 2013 წლის 1 მაისს, ოთხშაბათს, გაკვეთილების შემდეგ.

 სასწავლო პროცესი განახლდება 10 მაისს, პარასკევს.

დირექცია

1 მაისი, 2013 წელი

  2013 წელს, საქართველოს განათლებისა და მეცნიერების სამინისტრო ”ინგლისური ენის სწავლების გაძლიერების პროგრამის ფარგლებში”  ახორციელებს შემდეგ აქტივობებს: ”ინგლისური ენის საზაფხულო სკოლა საქართველოში” და  ”ინგლისური ენის საზაფხულო სკოლები გაერთიანებულ სამეფოში”. 

    ინგლისური ენის საზაფხულო სკოლის მონაწილეები არიან - ეროვნული სასწავლო ოლიმპიადის შედეგების საფუძველზე შერჩეული საქართველოს ზოგადსაგანმანათლებლო სკოლების 2012-2013 აკადემიური წლის მდგომარეობით მე-9, მე-10 და მე-11 კლასის 600 მოსწავლე. 600 მოსწავლისათვის განხორციელდება 3 კვირიანი ინგლისური ენის საზაფხულო სკოლა, რომელიც მოიცავს აკადემიურ პროგრამას (ინტენსიური ინგლისური ენის კურსი არანაკლებ 20 საათი კვირაში) და არააკადემიურ ინგლისურენოვან აქტივობებს დღის მეორე ნახევარში წყნეთში.

კურსის დასრულების შემდეგ, ყოველი მონაწილე მიიღებს საქართველოს განათლებისა და მეცნიერების მინისტრისა და საზაფხულო სკოლის განმხორციელებელი ორგანიზაციის მიერ დამოწმებულ სერტიფიკატს.

სამ კვირიანი ინგლისური ენის საზაფხულო სკოლის მონაწილე 600 მოსწავლიდან   32 საუკეთესო მოსწავლე შეირჩევა  და  გაემგზავრება  დიდ ბრიტანეთში ინგლისური ენის შემსწავლელ საზაფხულო სკოლებში ორი კვირის ვადით. 

 გვახარებს ის ფაქტი, რომ ინგლისური ენის საზაფხულო სკოლის მონაწილეა ჩვენი სკოლის მე–10 კლასის მოსწავლე  გურამ დიასამიძე.

ვუსურვებთ გურამს წარმატებებს.

29 აპრილი, 2013 წელი

  სკოლის სააქტო დარბაზში ჩატარდა ინტელექტუალური ტურნირი  – "რა? სად? როდის?"

ერთმანეთს ეჯიბრებოდნენ მე–5ა და მე–5 ბ კლასის მოსწავლეები. გამარჯვება წილად ხვდა მე–5 ბ კლასის გუნდს "კავკასიონი" (ხელმძღვანელი იზო ვაჩეიშვილი).

ვრცლად...

22 აპრილი, 2013 წელი

         პირველი კლასის მოსწავლეებს კარვინგის გაკვეთილი ჩაუტარდათ ბუნებისმცოდნეობაში (მასწავლებელი ხათუნა ვასაძე). მოსწავლეებმა საკუთარი ხელით დაამზადეს  ხილისა და ბოსტნეულისაგან სხვადასხვა ფიგურები,  ცხოველები, ფრინველები...

ვრცლად...